Ağstafada piyadanı avtomobil vuraraq öldürüb

Ağstafa rayonunda piyadanın ölümü ilə nəticələnən yol-nəqliyyat hadisəsi olub.
Den.az-ın yerli bürosunun məlumatına görə, hadisə rayonun Poylu stansiyası ərazisində qeydə alınıb.
Müxtəlif bədən xəsarətləri alan 1989-cu il təvəllüdlü Elçin Bədirxan oğlu Xəlilov hadisə yerinə çağırılmış təcili tibbi yardım briqadası vasitəsilə xəstəxanaya aparılıb.
Lakin göstərilən tibbi yardımlara baxmayaraq, onun həyatını xilas etmək mümkün olmayıb.
Faktla bağlı araşdırma aparılır.