Cevdet Yılmaz Ankaranın əsas məqsədini AÇIQLADI

"Şimali Kiprin müstəqilliyi Ankaranın əsas məqsədidir".

Den.az xarici mediaya istinadən xəbər verir ki, bu barədə Türkiyənin vitse-prezidenti fikir səsləndirib.

Cevdet Yılmaz Şimali Kipr Türk Cümhuriyyətinə (ŞKTC) səfəri zamanı deyib: “Kiprdə nizamlanma ancaq adada mövcud reallıqlar əsasında mümkündür”.

O qeyd edib ki, Türkiyə Şimali Kiprin hüquqlarını qorumağa davam edəcək. Çünki Ankaranın əsas hədəfi ŞKTC-nin müstəqilliyidir.

Türkiyənin vitse-prezidenti Şərqi Aralıq dənizinin təbii sərvətlərinin bölüşdürülməsi və ədalətli istifadəsinin vacibliyini vurğulayıb və Yunanıstan Kipr hökumətini əməkdaşlığa dəvət edib.

Den.az