Maliyyə naziri: "Neftin büdcə qiymətinin 60 dollar götürülməsi realdır"

Azərbaycanın yenidənb baxılmış 2023-cü il üzrə dövlət büdcəsində "Azeri Light" markalı neftin bir barrelinin orta ixrac qiymətinin 10 ABŞ dolları çox - 60 ABŞ dolları götürülməsi ilk baxışdan riskli görsənsə də realdır".

Den.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin, Əmək və sosial siyasət komitələrinin birgə iclasında maliyyə naziri Samir Şərifov "2023-cü il dövlət büdcəsi haqqında" qanuna dəyişikliyin müzakirəsində bildirib.

O həmçinin qeyd edib ki, ölkədə orta illik inflyasiyanın azalacağı nəzərdə tutulur.

"Eyni zamanda vacib amillərdən biri gəlirlər üzrə proqnozların tərtib olunması üçün qeyri-neft ÜDM-nin dəyəridir. Bu rəqəm əvvəlki proqnozla müqayisədə artırılıb", - deyə nazir əlavə edib.