Sumqayıtda baş mühəndisin əhaliyə göndərdiyi BİLDİRİŞ səs-küyə səbəb olub - FOTO VİDEO

Sumqayıtda baş mühəndisin əhaliyə göndərdiyi BİLDİRİŞ səs-küyə səbəb olub. Den.az xəbər verir ki, məsələni XəzərXəbər əməkdaşı araşdırıb.

Mövcud məsələ ilə bağlı Azərenerji ASC-nin Sumqayıt Yüksək Gərginlikli Elektrik Şəbəkəsi ilə əlaqə saxlanılıb. Adı çəkilən qurumdan XəzərXəbərə bildirilib ki, Beton zavod ərazisində yaşayan sakinlərin heç biri evindən çıxarılmayacaq və belə bir planda yoxdur. "Hazırda həmin ərazidə köhnə xətlərin yenisi ilə əvəzlənməsi prosesi gedir. Bu iş ona görə həyata keçirilir ki, köhnə xətlər qırılıb sakinlərin həyatı üçün təhlükə yaratmasın. Digər tərəfdən, həmin ərazidə əvvəldən yaşayan sakinlərin heç biri mənzilindən çıxarılmır. Amma yüksək gərginlikli elektrik xəttlərinin altında bundan sonra ev tikilməsinə icazə verilməyəcək. Bu, Nazirlər kabinetinin 10 İyun 2005-ci il tarixli qərarına əsasən həyata keçirilir".