10 
iyn
2023
18:35
1 334

Neftçalada keçirilən lV siniflər üzrə monitorinqdə maraqlı anlar yaşanıb

10 iyn, 2023
18:35
1 334

Neftçalada keçirilən lV siniflər üzrə monitorinqdə maraqlı anlar yaşanıb FOTO

Bu gün ölkə üzrə ümumi təhsil müəssisələrində lV siniflər üzrə monitorinq keçirilib.

Den.az xəbər verir ki,  monitorinq Şirvan-Salyan Regional Təhsil İdarəsinə tabe olan ümumi təhsil müəssisələrində də baş tutub.

Bu monitorinq zamanı Şirvan-Salyan Regional Təhsil İdarəsinə tabe olan Neftçala Təhsil Sektoruna aid imtahan mərkəzlərindən birində maraqlı anlar yaşanıb. Belə ki, bir neçə gün öncə ayağından xəsarət şagirdi məktəb direktoru öz qucağına alaraq, monitorinqə gətirib. Direktorun həmin uşağa öz övladı kimi isti münasibəti, ətrafdakılar tərəfindən müsbət qarşılanıb. 

Qeyd edək ki, monitorinq tədris dili və riyaziyyat fənləri üzrə aparılıb.

Təhsilalanlara tədris dili fənni üzrə 30 qapalı, riyaziyyat fənni üzrə isə 27 qapalı və 3 açıq sual təqdim olunub.

Bildirək ki, monitorinqin nəticəsi şagirdlərin summativ qiymətləndirmə ballarına, həmçinin onların sinifdən-sinfə keçmələrinə təsir göstərmir.

Şagird nailiyyətlərinin yaxşılaşdırılması, IV sinfin sonunda şagirdlərdə müvafiq standartlar üzrə bilik, bacarıqların hansı səviyyədə formalaşdığının müəyyən edilməsi və ibtidai təhsil səviyyəsində keyfiyyətin artırılması istiqamətində tədbirlərin görülməsi monitorinqin əsas məqsədlərindəndir.

Monitorinqdə 7078 şagirddən 6985 şagird iştirak edib. Ümumilikdə 4-cü sinifdə təhsil alan şagirdlərin 99 faizinin iştirakı təmin olunub.

Monitorinqlər Salyan rayonunda 11 Neftçala rayonunda 4, Biləsuvar rayonunda 5 , Hacıqabul rayonunda 3, Şirvan şəhərində 3 mərkəzdə olmaqla ümumilikdə 26 mərkəzdə təşkil edilib.

Bizimlə əlaqə saxlayın

Çox oxunanlar