Rəsmi Vaşinqtondan təxirə salınan görüşlə bağlı AÇIQLAMA

“Azərbaycan və Ermənistan XİN rəhbərləri arasında ABŞ-də keçirilməsi planlaşdırılan danışıqların növbəti raundunun təxirə salınması iş qrafiki ilə bağlı olub”.

Den.az xəbər verir ki, bunu ABŞ Dövlət Departamentinin rəsmi nümayəndəsi Metyu Miller brifinq zamanı deyib.

Onun sözlərinə görə, ABŞ tərəflər arasında danışıqların keçirilməsini səbirsizliklə gözləyir: “Məsələlərin həlli üçün açar birbaşa dialoqdur”.

Xatırladaq ki, daha əvvəl Ermənistan XİN-in mətbuat katibi Ani Badalyan Azərbaycan və Ermənistan xarici işlər nazirləri arasında danışıqların növbəti raundunun iyunun 12-də başlayacağını bildirmişdi. Görüş daha sonradan təxirə salınıb.//Qafqazinfo