Kılıçdaroğlunun Bakıya qarşı planı - Ərdoğan hər şeyi açıqladı

“Kılıçdaroğlu dəmir yolu, magistral yol kimi şeyləri anlamır”.

Den.az “Yeni Şafak”a istinadla xəbər verir ki, bunu Türkiyə Prezidenti Rəcəb Tayyib Ərdoğan Kılıçdaroğlunun seçki dönəmində “Türk yolu” kimi təqdim etdiyi layihəsi ilə bağlı jurnalistlərin suallarını cavablandırarkən deyib.

Kılıçdaroğlunun “Türk yolu” kimi elan etdiyi layihədə Azərbaycanın yer almamasından danışan Ərdoğan bildirib ki, CHP liderinin bu addımı səs qazanmağa hesablanıb:

“O fikirləşdi ki, bunu desəm, yəqin ki, buradan bir az səs alacam. Nə olduğu ortadadır. Neçə il əvvəl Çinlə bu İpək Yolu haqqında danışdıq? Bilirsiniz, Çinin İpək Yolu layihəsi var. Mən də bu dəvəti qəbul etdim və bu hələ də davam edən bir şeydir. Bu da yəqin hardansa eşidib. Düşünüb ki, mən bunu desəm, buradan bir az səs toplayaram”, - Ərdoğan qeyd edib. News24.az