Yevlaxda 2 avtomobil toqquşub, 4 nəfər xəsarət alıb

Bakı-Qazax-Gürcüstan magistral yolunun Yevlax rayonu ərazisindən keçən hissəsində 4 nəfərin xəsarət alması ilə nəticələnən yol-nəqliyyat hadisəsi olub.

Den.az-ın məlumatina görə, iki avtomobilin toqquşması nəticəsində baş vermiş yol-nəqliyyat hadisəsi zamanı 1995-ci il təvəllüdlü Tural Ələddinli, 1982-ci il təvəllüdlü Mehman Cəfərov, 1990-cı il təvəllüdlü Murad Zəkəriyəyev və 2000-ci il təvəllüdlü Münasib Atakişiyev müxtəlif bədən xəsarətləri alıb və xəstəxanaya yerləşdiriliblər.

Onların vəziyyəti orta-ağır və kafi qiymətləndirilir.

Faktla bağlı araşdırma aparılır.