Xəbərin Kateqoriyası: İdman

"Bunun üçün də çox əsəbiyəm" - Koku

Dünən Avropa Liqasının qrup mərhələsində keçirdiyi ilk oyunda "Dinamo"ya (Zaqreb) 1:4 hesabı ilə məğlub olan "Fənərbaxça"nın baş məşqçisi Filip Koku matçdan sonra açıqlama verib.

Den.Az komanda.az-a istinadən xəbər verir ki, hollandiyalı mütəxəssis məğlubiyyətə görə üzr istəyib:

"Dinamo"nu təbrik edirəm, möhtəşəm oyun sərgilədilər. Öz klubumuzdan və azarkeşlərimizdən üzr istəyirik. Çox pis oyun göstərdik. Oyunumuz gözləniləndən pis alındı. Təbii ki, bu nəticəyə görə mən məsuliyyət daşıyıram, bu komandanın baş məşqçisi mənəm. Belə bir oyundan sonra azarkeşlərimizin futbolçuları və məni tənqid etmələrini başa düşürəm. Haqlıdırlar".

47 yaşlı baş məşqçi klubdakı gələcəyi haqqında da danışıb:

"Mən heç bir şeyin qərarını vermirəm. Bütün enerjimi futbolçulara ötürürəm, bunu düşünürəm. Baş məşqçi olaraq ağlınızda bu mövzular olarsa, demək, artıq düzgün iş görmədiyiniz nöqtəyə gəlmisiz".

"Fənər" Super Liqanın növbəti turunda "Beşiktaş"la qarşılaşacaq. Koku bu oyunla bağlı da fikirlərini bildirib:

"Bazar ertəsi günü olacaq derbiyə köklənmişəm. Çox böyük bir oyun keçirəcəyik. "Beşiktaş"la oyunun böyük önəmi var. Qalib gəlmək istəyirik. O oyunla bağlı futbolçularla çox danışdıq və bu gün nəticəyə təsir edən mövzulardan biri də bu idi. Futbolçular həmin oyuna 200 faiz köklənəcəklər. Amma bu gün bazar ertəsi deyil. Bunun üçün də çox əsəbiyəm".

скачать dle 11.1смотреть фильмы бесплатно

Oxşar Xəbərlər

Rəylər


Ad:*
E-Mail:
Təhlükəsizlik kodunu daxil edin: *
Okunamayan kodu yenilemek üçün şəklin üstüne tıklayınız