Qundağı kəsilmiş silah satmaq istədi

Bərdə Rayon Polis Şöbəsinin əməkdaşları tərəfindən keçirilmiş əməliyyat axtarış tədbirləri nəticəsində Bərdə rayonu, Qaradağlı kənd sakini Alışov Vüsal İnqilab oğlu ona məxsus olan " İJ 12" markalı qundağı kəsik odlu silahı satmaq istəyərkən saxlanılıb.
 
Den.az xəbər verir ki, həmin şəxsin əlində olan çantaya baxış zamanı qeyd olunan odlu silah və 4 patron aşkar olunub.
 
Faktla bağlı Bərdə RPŞ-də araşdırma aparılır.