Ukraynada şiddətli döyüşlər: yaşayış məntəqələri vurulur

Kupyansk, Liman, Baxmut, Avdeyevski və Maryinka istiqamətlərində rus ordusu əbəs yerə hücum etməyə çalışır, şiddətli döyüşlər davam edir.

Den.az xəbər verir ki, bu barədə Ukrayna Silahlı Qüvvələrinin Baş Qərargahı məlumat verib.

"Kupyansk istiqamətində əsgərlərimiz müdafiəni əzmlə saxlayırlar. İşğalçılar artilleriya və minaatanlardan Xarkov vilayətinin bir sıra yaşayış məntəqələrini atəşə tutub.

Düşmənin Liman istiqamətində Luqansk vilayətinin Dibrova şəhərinin qərbində və Donetsk vilayətinin Novosadovoe şəhərinin şərqində hücum əməliyyatları keçirməsi nəticəsiz qalıb. 10-dan çox yaşayış məntəqəsi artilleriya atəşinə məruz qalıb.

Baxmut istiqamətində rusların ağır hava və artilleriya atəşi altında Ukrayna əsgərləri Donetsk vilayətinin Berxovka bölgəsində düşmənin bütün hücumlarını uğurla dəf ediblər", - məlumatda bildirilib.