Xəbərin Kateqoriyası: Maraqli məlumatlar

Qız uşaqlarına aqressiv münasibət kəskin etiraz doğurdu - RƏY



Azərbaycanda son illər qız uşaqlarının sayının azalması, bir çox hallarda isə qız uşaqlarının dünyaya gətirilməsi məsələsinə neqativ münasibətin (bəzi ailələrdə) sərgilənməsi yenidən gündəm mövzusu olub.

Bu məsələ Ailə, Qadın və Uşaq Məsələləri üzrə Dövlət Komitəsinin sədr müavini Sədaqət Qəhrəmanova tərəfindən də yenidən gündəmə gətirilib.


Onun qeyd etdiyinə görə, aparılan təhlillər göstərir ki, qız uşaqlarının dünyaya gəlmədən öldürülməsi ailədə ikidən çox övladın istənilməməsidir.

“Müasir dövrdə ailədə ilk övlad qız olanda, ikinci uşağın oğlan olmasını istəyirlər. Bu, düzgün deyil”, - deyən S.Qəhrəmanova qeyd edib ki, xüsusilə,  doğulmamış qız uşaqlarına qarşı cinayət törədilir və onların hüququ pozulur.

Qeyd edək ki, bu məsələnin Ailə, Qadın və Uşaq Məsələləri üzrə Dövlət Komitəsi, onun yüksək çinli rəsmisi tərəfindən gündəmə gətirilməsi təsadüfi deyil və problemin ciddiliyindən, gələcək təhlükəli fəsadlarından xəbər verir.

Azərbaycanda hər zaman qadınlara, xüsusilə, qız uşaqlarına böyük sevgi və məhəbbətin olduğunu deyən millət vəkili Kamilə Əliyeva Oxu.Az-a açıqlamasında qeyd edib ki, ancaq zaman-zaman bu tipli xoşagəlməz, ziyanlı və təhlükəli hallarla da qarşılaşılır:


“Bu, qəbuledilən və anlaşılan bir məsələ deyil. Birmənalı olaraq, yolverilməz və qəbuledilməzdir. Hətta deyərdim ki, cinayət əməlidir, milli genefondumza böyük təhlükədir. Bəzi insanlar niyə bunu başa düşmür, nə qədər böyük günaha batdıqlarının, cinayətə yol verdiklərinin fərqinə varmırlar? Onlarda Allah qorxusu, vicdan deyilən bir hiss yoxdurmu? Bu qədərmi insani dəyərlərdən uzaqlaşıblar?

Qız uşaqlarına necə qıya bilirlər? Bəli, hər kəs istəyər ki, övladı olsun, oğlu, qızı dünyaya gəlsin. Amma onlardan biri olmayanda bunu məgər faciə ilə qarşılamaq lazımdır? Bu, nə düşüncədir? Bu düşüncə ilə, özü də XXI əsrdə hara getmək olar?

Hesab edirəm ki, bunlar aradan qaldırılmalıdır, maarifləndirmə, təbliğat, inandırma yolu ilə bunun qarşısı alınmalıdır. Lazım gələrsə, qanunvericilik səviyyəsində daha ciddi cəzalandırmalar nəzərdə tutulmalıdır, cinayət qanunvericiliyinə yeni əlavələr edilməlidir”.

İxtisasca həkim olan millət vəkili Məlahət İbrahimqızı da bu məsələnin artıq bir problemə çevrildiyini və onun çox böyük təəssüf doğurduğunu deyib.


“Mən açıqlamalarımın birində də demişdim və bir daha aktual olduğu üçün xatırlatmaq istəyirəm ki, hələ bir neçə il öncə keçmiş təhsil naziri Mikayıl Cabbarov mətbuat konfransında belə bir rəqəm səsləndirmişdi, - o statistikada da var, amma ictimaiyyət üçün, bəlkə də, yeni idi, - birinci sinfə gedən uşaqlar arasında qızların sayı oğlanların sayından 10-15 min azdır.

Bu, əlbəttə, çox düşündürücü və narahatedici bir məsələ idi. Yəni, statistika özü açıq-aydın  göstərirdi ki, artıq əhalimizin yeddi yaşdan aşağı olan hissəsində qızların sayı oğlanların sayından azdır. Onu da deyim ki, bir neçə il öncə müvafiq qanunda dəyişikliklər etdik və həmin dəyişikliklərə əsasən, artıq cinsiyyətə görə tibbi müayinə aparılması ilə bağlı həkimlər də məsuliyyət daşıyır, onlara bu məsələ qadağan olunur.

Yəni, məsuliyyət məsələsi qanunvericilikdə öz əksini tapdı. Hesab edirəm ki, bu, azdır. Əslində, qadağan olunmaq söhbəti ola bilməz. Qadağan sözü insan hüquqları ilə bağlı olan haldır, eləcə də, qadağan olunmaq maddəsi problemin həlli deyil. Bu məsələnin köklü həlli üçün biz bu gün cəmiyyətdə geniş maarifləndirmə işləri aparmalıyıq.

Avropada, inkişaf etmiş hansı ölkədə gedib desəniz ki, cinsə görə hamiləlik müayinə olunur, ona gülərlər. Hansısa cinsin olması ilə bağlı valideyn və yaxud da həkim hamiləliyi ləğv edirsə, bu, artıq dəhşətdir.

XXI əsrdə hamiləliyin qarşısının alınmasının metodları ola-ola, hamiləlikdən sonra bir növ ana bətnində olan uşağın öldürülməsi, qətlə yetirilməsi qəbulolunmazdır. Yəni, valideyn özü bilə-bilə öz övladının qatilinə çevrilir. Odur ki, artıq insanlarımız, yəni, bu addıma gedənlər ayılmalı və nə etdiklərinin fərqinə varmalıdırlar”.

Millət vəkili Tahir Rzayev həmkarları kimi, məsələnin ciddiliyindən narahatlığını və onun başucalığı gətirən bir hal olmadığını bildirib:

“Bizdə hər zaman qadına, xanıma, qızlara böyük hörmət, ehtiram olub.


Heç vaxt onlara qarşı ayrı-seçkilik olmayıb. Amma nədənsə son illər qızlarla bağlı məsələdə milli dəyərlərimizə, adət-ənənələrimizə yaraşmayan hallar müşahidə olunur.

Bəzi ailələr qız uşaqlarına az qala qənim kəsilirlər. Hesab edirəm ki, kökündən yanlış və təhlükəli yanaşmadır. Qız oldu, oğlan oldu, nə fərqi var, övlad övladdır, onu da fərqləndirərlər, birinə üstünlük verib, digərini alçaldarlar?

Niyə belə edirlər, nədir qız uşaqlarının günahı? Mən bunu qınayıram və pisləyirəm. Bu, bizə bir millət olaraq yaraşan cəhət deyil, tezliklə bundan, bu təhlükəli tendensiyadan uzaqlaşmalı, qurtulmalıyıq. Bu, nə Allaha xoş gedər, nə də onun vicdanlı bəndəsinə”.


скачать dle 11.1смотреть фильмы бесплатно

Oxşar Xəbərlər

Rəylər


Ad:*
E-Mail:
Təhlükəsizlik kodunu daxil edin: *
Okunamayan kodu yenilemek üçün şəklin üstüne tıklayınız