Xəbərin Kateqoriyası: Maraqli məlumatlar

Kayseridə Xocalı abidəsinin açılış mərasimi keçirildi - FOTO/VİDEО


Türkiyənin Kayseri şəhərində Xocalı Şəhidlərinin xatirəsinə ucaldılan abidənin açılış mərasimi keçirilib.

Den.Az Türkiyə mətbuatına istinadla xəbər verir ki, mərasimdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov, Azərbaycanın Ankaradakı səfiri Xəzər İbrahim, Azərbaycan və Rusiya Federasiyasının millət vəkilləri, Kayseri valisinin köməkçisi Nail Anlar və sair rəsmi şəxslər iştirak ediblər.

Abidənin açılışında çıxış edən Rusiya Dövlət Duması nümayəndəsi və Siyasi Araşdırmalar İnstitutunun müdiri Ramin Qasımov, AK Partiya İstanbul Millət vəkili Şamil Ayrım Xocalı qırğınını törədənlərə  ən ağır cəza tələb ediblər.

Azərbaycan prezidentinin köməkçisi Əli Həsənov Azərbaycan və rus millət vəkilləri ilə birlikdə abidənin qarşısına qırmızı qərənfillər qoyub.

“Allah böyük gardaş Türkiyəni var etsin. Belə bir faciəni kimsənin başına gətirməsin. Xocalıda insanları arxadan vurdular. Qanlı faciəni yenidən xatırlayaraq sizi çox üzmək istəmirəm, amma bu, tarixə düşən ən qanlı faciədir. 

Xocalı qırğını, soyqırım sözünün tam mənasıdır. Təəssüf ki, faciəni törədənlər bu gün Ermənistan dövlətinin rəhbərliyindədir”, - Əli Həsənov çıxışında deyib.

скачать dle 11.1смотреть фильмы бесплатно

Oxşar Xəbərlər

Rəylər


Ad:*
E-Mail:
Təhlükəsizlik kodunu daxil edin: *
Okunamayan kodu yenilemek üçün şəklin üstüne tıklayınız