Kəmaləddin Heydərova bağlı olduğu bildirilən şirkət barəsində qərar çıxarıldı

Bakı Kommersiya Məhkəməsində “GBR Trade” şirkətinin “Gilan Vegetables” MMC-yə qarşı iddası üzrə məhkəmə iclası başa çatıb.

Den.az xəbər verir ki, Pravda.az-ın əldə etdiyi məlumata görə, hakim Zeynəb Axundovanın sədirliyi ilə keçirilən prosesdə qərar elan olunub.

Qərara əsasən, “GBR Trade” şirkətinin iddiası rədd edilib.
Qeyd: “GBR Trade” şirkətinin “Gilan Vegetables” MMC-ni məhkəməyə verərək alqı-satqı müqaviləsi üzrə mübahisələr barədə tələb irəli sürüb.

Xatırlatma: 10.12.2015-ci il tarixində dövlət qeydiyyatına alınan “Gilan Vegetables” MMC-nin də “Gilan Holdinq”ə məxsus olduğu bildirilir. Həm “Gilan Vegetables” MMC, həm də “Gilan Holdinq” MMC eyni hüquqi ünvanda – Yasamal rayonu Nərimanov pr, ev 206-da qeydiyyata alınıb.

Mətbuatda “Gilan Holdinq” MMC-nin fövqəladə hallar naziri Kəmaləddin Heydərovun ailə üzvlərinə məxsus olduğu barədə məlumatlar yayılıb.