İtaliyada dəmiryolçular işə çıxmaqdan imtina ediblər

İtaliyada həmkarlar ittifaqlarının elan etdiyi ümummilli tətil səbəbindən ölkə ərazisində dəmiryolu nəqliyyatının hərəkəti dayanıb.

İlkin olaraq tətil 24 saat nəzərdə tutulsa da, Nəqliyyat və İnfrastruktur Nazirliyinin dəmiryolçularla apardıqları danışıqlar nəticəsində tətilin 12 saata qədər endirməsi barədə razılıq əldə olunub.

Dəmiryolçular iş şəraitinin yaxşılaşdırılmasını, o cümlədən əməkhaqlarının artırılmasını, dəmiryolu ilə sərnişindaşıma sektorunda işin optimallaşdırılmasını tələb edirlər.

Mənbə: Corriere della Sera