İsrail və ABŞ müdafiə nazirləri regiondakı vəziyyəti müzakirə ediblər

İsrailin müdafiə naziri Yoav Qalant və Pentaqonun rəhbəri Lloyd Ostin arasında telefon danışığı olub, onlar bölgədəki vəziyyəti və İsrail ordusunun döyüş hazırlığını müzakirə ediblər.

“Den.az” xəbər verir ki, bu barədə İsrailin Müdafiə Nazirliyinin mətbuat xidməti məlumat yayıb.

Nazir Qalant vurğulayıb ki, İsrail Dövlətini qorumaqla yanaşı, onun hazırkı prioritetləri İsrail Müdafiə Qüvvələrinin sıralarında birliyi təmin etmək və bir sıra təhlükəsizlik çağırışları qarşısında qoşunların döyüş hazırlığını və potensialını qorumaqdır.

Onun sözlərinə görə, İsrail Müdafiə Qüvvələri ölkə vətəndaşlarını qorumaq üçün tələb olunan formada hərəkət edəcək.