Putin: "Sanksiya tətbiq edənlərə neft yoxdur"

Rusiya Prezidenti Vladimir Putin tavan qiymət tətbiqində iştirak edən ölkələrə neft və neft məhsullarının satışını qadağan edən fərmanın müddətini 2023-cü ilin sonuna qədər uzadıb. 

Den.az  xəbər verir ki, Kremlin rəsmi saytında dərc olunan fərmana əsasən, tavan qiymət tətbiqində iştirak edənlərə neft və neft məhsullarının satışına qadağa müddəti “1 iyul 2023-cü il” əvəzinə “31 dekabr 2023-cü il” kimi müəyyən edilib. 

Qeyd edək ki, 2022-ci il dekabrın 2-də Avropa İttifaqı ölkələri Rusiyadan dəniz yolu ilə daşınan neftin bir barelinin tavan qiymətinin 60 dollar olması barədə razılığa gəliblər. Bu vəziyyətdən sonra Putin neft və neft məhsullarının tavan qiymət tətbiqində iştirak edən şəxslərə və şirkətlərə satışını qadağan edən fərman imzalayıb. Cebhe.info