Fransada 4 min nəfər SAXLANILIB

Fransada ötən həftədən başlayan iğtişaşlar dayandırılıb.
 
Den.az xəbər verir ki, bu barədə ölkənin daxili işlər naziri Gerald Darmanin məlumat verib .
 
O, ölkədəki vəziyyətin sakit olduğunu bildirib. Nazirin sözlərinə görə, iğtişaşlar zamanı 4 min nəfər saxlanılıb, saxlanılan şəxslərinin orta yaşı 17-dir. 
 
Nazir vurğulayıb ki, saxlanılanların 10%-i Fransa vətəndaşı deyil.
 
İlkin hesablamalara görə, iğtişaşlar nəticəsində Fransa iqtisadiyyatına 1 milyard avrodan çox ziyan dəyib, 200 mağaza talan edilib, 300 bank filialı zədələnib.
 
Xatırladaq ki, Fransada etirazlar iyunun 27-də başlayıb. Buna səbəb 17 yaşlı Nahel adlı gəncin polis tərəfindən qətlə yetirilməsi olub. Təhlükəli ərazilərdə əyləncə tədbirləri ləğv edilib, gecə saatlarında ictimai nəqliyyatın hərəkəti dayandırılıb. Bəzi kommunalarda komendant saatı tətbiq edilib.