İtaliya sularında miqrantları daşıyan qayıqlar batıb, 30-dan çox insan itkin düşüb

İtaliyanın cənubundakı Lampeduza adası yaxınlığında miqrantların olduğu iki qayıq batıb.

"Den.az" xarici mətbuata istinadən xəbər verir ki, dənizdə və havadan aparılan axtarış-xilasetmə əməliyyatları nəticəsində 57 miqrant xilas edilib, bir qadın və bir uşağın cəsədi tapılıb.

Ümumilikdə 30-dan çox insanın itkin düşdüyü bildirilib. Hazırda axtarış-xilasetmə işləri davam etdirilir.

Qeyd edək ki, son illərdə İtaliya Şimali Afrikadan Avropaya qeyri-qanuni miqrasiya yollarından birinə çevrilib. İlin əvvəlindən İtaliya 85 minədək miqrant qəbul edib. 2014-cü ildən bəri isə Liviya və Tunisdən İtaliyaya dəniz yolu ilə çatmaq istəyən 14 mindən çox insan ölüb və ya itkin düşüb.