DEN.AZ İqtisadiyyat Gənclərin NƏZƏRİNƏ: SOCAR şirkəti Yay Təcrübə proqramına start verir

Gənclərin NƏZƏRİNƏ: SOCAR şirkəti Yay Təcrübə proqramına start verir

22
0

“SOCAR Polymer” 2021-ci ilin Yay Təcrübəsi proqramında iştirak etmək üçün ərizə qəbulunu elan edir.

Şirkətdən verilən məlumatda bildirilir ki, gənclər “SOCAR Polymer” şirkətinin Sumqayıt şəhərində yerləşən PP və YSPE zavodlarının istehsalat sahələrində və ya ofis məkanlarında təcrübə keçəcəklər.

Proqramın davam etdiyi 8 həftə ərzində təcrübəçilər ixtisaslı bir kollektivinin üzvləri olaraq real iş təcrübəsi əldə edəcəklər. İstehsalat təcrübəsi və yay təcrübəsi proqramları çərçivəsində həm maaş, həm də ödənişli məzuniyyət təklif edilir.

Bu proqramı istehsal əməliyyatları, mühəndislik, texnologiya, SƏTƏM, hüquq-müqavilə tərtibatı, informasiya texnologiyaları, planlaşdırma, maddi-texniki təminat, satınalma, kadr resursları, və daxili audit sahələri üzrə təhsil, təlim və ya təcrübə axtarışında olan gənclər üçün nəzərdə tutulub.

Təhsil göstəriciləri yüksək olan, ingilis dilində yaxşı oxuma-yazma bacarıqlarına malik olan və bakalavr təhsili 4 illik olan təhsil müəssisəsinin 3-cü və 4-cü, bakalavr təhsili 5 illik olan təhsil müəssisəsinin isə 4-cü və 5-ci kursunda təhsil alan tələbələr müsabiqədə iştirak etməyə dəvət olunurlar.

Yay Təcrübəsi proqramına qatılmaq üçün “www.socarpolymer.az”ın müvafiq bölməsində yerləşdirilən ərizə forması doldurularaq 17 may 2021-ci il tarixinə qədər təqdim olunmalıdır.

SİZİN FİKİRLƏRİNİZ BİZİM ÜÇÜN ÇOX ÖNƏMLİDİR

Şərhinizi daxil edin!
Buraya adınızı daxil edin