“WhatsApp” istifadəçilərə naməlum nömrələrdən gələn zəngləri susdurmağa imkan verən yeni təhlükəsizlik funksiyaları əlavə edib.
Bu barədə mesencerin bloqunda deyilir.
“WhatsApp” nümayəndələri izah ediblər ki, zəngləri və yazışmaları qorumaq üçün əsas tədbir kimi “başdan-sona” (“end-to-end”) şifrələmə xidməti qalır, lakin ekspertlər istifadəçilərin ünsiyyətini qorumaq üçün daha bir funksiya əlavə ediblər.
Beləliklə, bu funksiyalara naməlum nömrələr üçün səsi söndürmək və məxfilik yoxlaması daxildir.
Birinci funksiya avtomatik olaraq spamları, həmçinin fırıldaqçılardan və yad adamlardan gələn zəngləri filtrasiyadan keçirəcək. Səsin söndürülməsinə baxmayaraq, “Zənglər” bölməsində onların arasında vaciblərin olub-olmadığını görmək mümkündür.
İkincisi, istifadəçilərə mesencerdə özlərini necə qorumaq barədə məlumat vermək üçün məxfilik yoxlanışı əlavə edilib. Onun köməyi ilə tədricən bütün məxfilik parametrlərini öyrənmək, beləliklə də mesajlar, zənglər və şəxsi məlumatlar üçün müvafiq qoruma səviyyəsini seçmək mümkündür.
“WhatsApp” naməlum nömrədən gələn mesajlar üçün yeni funksiyalar əlavə edir - FOTO - FOTO
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
