Bu gün Türkiyənin üç elçə (rayon) və dörd bəldəsində (qəsəbə) təkrar bələdiyyə seçkiləri keçiriləcək, 212 məhəllədə isə seçicilər muxtarı (kətxuda) müəyyənləşdirməlidirlər.
“Den.az” xəbər verir ki, ölkənin Ali Seçki Komissiyası martın 31-də keçirilmiş yerli seçkilərdən sonra edilən etirazları araşdıraraq sözügedən elçə, bəldə və məhəllələrdə seçkilərin yenilənməsinə qərar verib.
Buna uyğun olaraq ölkənin müxtəlif bölgələrində keçiriləcək muxtar seçkiləri ilə yanaşı Kayserinin Pınarbaşı, Şanlıurfanın Hilvan və Aksarayın Güzelyurt elçələri ilə Sivasın Yıldızeli elçəsinə bağlı Güneykaya, Kırklarelinin Lüleburqaz elçəsinə bağlı Büyükkarıştıran, Tuncelinin Mazgirt elçəsinə bağlı Akpazar və Aksaraya bağlı Sağlık bəldələrində seçicilər bələdiyyə başqanlarını seçmək üçün məntəqələrə üz tutacaqlar. Qeyd etmək lazımdır ki, bələdiyyə başqanından fərqli olaraq muxtarlar namizədliyini ancaq müstəqil şəkildə irəli sürə bilər.
Seçicilər saat yerli vaxtla 08:00-17:00 (Bakı vaxtı ilə 09:00-18:00) arası səs verə biləcəklər. Seçkilərlə əlaqəli yayım qadağası qanuna uyğun olaraq saat 21:00-dək (Bakı vaxtı ilə 22:00) qüvvədə olacaq. ASK bu müddəti uzada da bilər.
Xatırladaq ki, martın 31-də keçirilmiş bələdiyyə seçkilərində Cümhuriyyət Xalq Partiyası (CHP) 37,76 % səslə 1977-ci ildən bəri ilk dəfə birinci olub və yerli idarəetmə səviyyəsində hakim partiyaya çevrilib. CHP paytaxt Ankara və İstanbul daxil olmaqla 14 böyük şəhərdə (“büyükşehir”) qalib gəldiyi halda, Ədalət və İnkişaf Partiyası (AK Partiya) 35,48 faiz səslə tarixində ilk dəfə ikinci partiya vəziyyətinə düşüb. İştirak etdikləri ilk yerli seçkilərdə Yenidən Rifah Partiyası ölkə daxilində 6,19 faizlə üçüncü partiya olub və bir böyük şəhər daxil olmaqla bir sıra bölgələrdə qazandığı qələbələrlə seçkidə diqqətçəkən siyasi qüvvələrdən biri olub.
Bu gün Türkiyədə seçkilər keçirilir

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.