“Trampın seçkilərdə qələbəsindən sonra Yaxın Şərqdə münaqişələrə son qoymaq üçün şərait yaranıb”.
Den.az xəbər verir ki, bunu Fransanın xarici işlər naziri Jan-Noel Barrot deyib.
“Bir tərəfdən, İsrailin əldə etdiyi çox mühüm taktiki uğurlar, xüsusən də Yəhya Sinvarın aradan qaldırılması hərbi əməliyyatların dayandırılmasına şərait yaradır. Digər tərəfdən, Amerikanın yeni prezidenti seçilib. O, Yaxın Şərqdə bitib-tükənməyən müharibələrə son qoymaq istədiyini heç vaxt gizlətməyib. Ona görə də qarşıdakı həftələrdə davam edən münaqişənin diplomatik həllinə doğru irəliləyiş ola bilər”, – Barrot bildirib.
Fransa XİN rəhbəri həmçinin İsraili mülki əhali və infrastrukturu hədəf alan şimal Qəzza zolağının bombalanmasında, humanitar yardıma girişin məhdudlaşdırılmasında, Fələstin administrasiyasının zəiflədilməsində ittiham edib.
Barrot İrana qarşı da sərt danışıb və İsrailin İran ərazisinə son zərbəsini yüksək qiymətləndirib.
“Eskalasiya dərhal dayandırılmalıdır. İran isə həm İsrailin, həm də Fransanın fundamental maraqlarını təhdid edən nüvə silahı uğrunda yarışına son verməlidir”, – deyə Barrot vurğulayıb.
Günəş Fərəh
Den.az
"Yaxın Şərqdə münaqişələrə son qoymaq üçün şərait yaranıb” - Fransa XİN
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
