Aktrisa Yuliya Vısotskaya Fametime TV-yə müsahibəsində 12 ildir komada olan qızının həyatı uğrunda mübarizəsindən danışıb. Ulduz qeyd edib ki, Mariyanın vəziyyətini Rusiya həkimləri dəstəkləyir. Aktrisanın sözlərinə görə, o, övladı üçün bacardığı hər şeyi etməyə davam edir.
“Biz qəzaya düşdük, Marusya arxa oturacaqda kəmərsiz idi və ağır xəsarət aldı. Mübarizə aparmaq lazımdır. Başqa variant yoxdur. Kiçik addımlarla olsa da, irəli getmək lazımdır. Biz mübarizə aparırıq, həyatımız necə gedə bilirsə, elə də gedir. Və biz sona qədər mübarizə aparacağıq. Mən vəziyyətin dəstəklənməsində və reabilitasiyada kömək edən tibbi heyətə çox minnətdaram. Həkimlərimiz möhtəşəmdir. Biz daim yeniliklər sınayırıq. Amma bütün bunlar asan deyil”, — deyə məşhur aktrisa paylaşıb.
2013-cü ildə ulduz ailə Fransada baş verən yol qəzasına düşüb. Sükan arxasında o zaman aktrisanın həyat yoldaşı, rejissor Andrey Konçalovski olub. Cütlük qızlarının vəziyyəti barədə demək olar ki, heç nə danışmır. Bununla belə, Visotskaya etiraf edib ki, onların həyatı həmişəlik dəyişib.
Cütlüyün həmçinin 22 yaşlı oğlu var. O, valideynlərinin yolunu davam etdirməyib. Pyotr Konçalovski MARXİ-də memarlıq ixtisası üzrə təhsil alır və ora ilk cəhddə qəbul ola bilməyib.
