Biz ona yüksək qiymət veririk.
Den.az Report-a istinadən xəbər verir ki, bunu jurnalistlərə açıqlamasında Azərbaycan Karate Federasiyasının prezidenti Ülvi Quliyev Rafael Ağayev haqqında danışarkən deyib.
O, 39 yaşlı idmançının Azərbaycanla yanaşı, dünyada da məşhur olduğunu bildirib:
"Dünyada nadir nəticələrdən biri də məhz ona məxsusdur. Hazırda karatedə çıxış etməsə də, hər zaman onu dəyərləndiririk".
"Hamı bilməlidir ki, idman dövlətin dəstəyi və qayğısı ilə əhatə olunub. Bu olmasa, inkişaf mümkünsüzdür. Azərbaycan Karate Federasiyası ictimai birlikdir. Qurumun bəlli büdcəsi var. Hazırda sponsorumuz yoxdur. Gənclər və İdman Nazirliyi bizə dəstək göstərir. Büdcəmiz nəyə icazə verirsə, hamıya maddi və mənəvi dəstək verməyə çalışırıq. Nəyə gücümüz çatırsa, titullu idmançılarımıza dəstək olmağa hazırıq. Federasiyanın imkanları limitlidir. Bunlar anlayışla qarşılanmalıdır".
Ü.Quliyev Vətən müharibəsi şəhidi Elzar Yusubovun xatirəsinə həsr olunmuş karate (idman karatesi / WKF) turniri barədə də danışıb:
"Elzar Yusubov gənc yaşlarından karate ilə məşğul olub. Şəhidlər bizim qürur mənbəyimizdir. Onların adlarını uca tutmağa çalışırıq. Yarışda 300-ə yaxın idmançı iştirak edir. Burada əsas məqsədimiz şəhidlərimizin adlarını hörmət və ehtiramla anmaqdır".
Qeyd edək ki, Rafael Ağayev daha əvvəl Azərbaycan Karate Federasiyasının WKF üzrə vitse-prezidenti postundan ayrılıb.
Federasiyadan Rafael Ağayevlə bağlı AÇIQLAMA
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
