İsrailin keçmiş müdafiə naziri Yoav Qallant İranla qarşıdurmanın qaçılmaz olduğunu bildirib. O, Təl-Əvivin buna dərhal hazırlaşmalı olduğunu vurğulayıb.
DenMedia.az xəbər verir ki, bu barədə “Azad İran” Teleqram kanalı məlumat yayıb.
“O gün mütləq gələcək və bu dəfə əvvəlkindən fərqli olacaq. Əgər Xamenei bu raundda aradan qaldırılmasa, yeni müharibə olacağı halda onun məhv edilməsi İsrailin istənilən planının bir hissəsinə çevrilməlidir”, – Qallant qeyd edib.
O, İsrailin son əməliyyatlarda müəyyən uğurlar əldə etdiyini desə də, bunun arxayınlıq yaratmaması barədə xəbərdarlıq edib:
“Bu, vaxt apara bilər, amma İran imkanlarının bir hissəsini yenidən quracaq. Onlar hazırda ballistik raketlərin hazırlanması üzərində işləyirlər. Biz tam hazır olmalıyıq, çünki növbəti qarşıdurma əvvəlkindən fərqli olacaq”.
