Azərbaycan Prezidenti İlham Əliyev İspaniya Kralı VI Filippi ölkə millisinin futbol üzrə dünya çempionatındakı qələbəsi münasibətilə təbrik edib.
Təbrikdə deyilir:
“Əlahəzrət,
Öz adımdan və Azərbaycan xalqı adından İspaniya milli futbol komandasının FIFA Dünya Kuboku 2026-da qazandığı möhtəşəm qələbə və tarixində ikinci dəfə dünya çempionu olması münasibətilə Sizi və Sizin simanızda bütün xalqınızı ürəkdən təbrik edirəm.
Dünya çempionatının oyunlarında yüksək ustalıq, böyük əzmkarlıq və sarsılmaz iradə nümayiş etdirərək azarkeşlərə unudulmaz anlar və sonsuz sevinc bəxş edən ispaniyalı futbolçulara ən səmimi təbriklərimi çatdırır, onlara yeni uğurlar arzulayıram”.
