Laçında hərbi maşın QƏZAYA DÜŞDÜ: 2 ölü, 9 yaralı - YENİLƏNİB

Müdafiə Nazirliyi hərbçilərin qəzaya düşməsi faktı ilə bağlı məlumat yayıb.

Nazirlikdən Den.az-a bildirilib ki, yanvarın 4-ü Laçın rayonunda, çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçuları İsmayılov Həsən Ümid oğlu və Axundov Səxavət Fərasət oğlu həlak olub.

Müdafiə Nazirliyinin rəhbərliyi bədbəxt hadisə nəticəsində həlak olanların yaxınlarına və əzizlərinə dərin hüznlə başsağlığı verib. 

Faktla bağlı araşdırma aparılır.

***

saat 17:27

Laçın rayonunda hərbi avtomobil qəzaya uğrayıb.

Den.az xəbər verir ki, Minkənd kəndində baş verən hadisə zamanı “Ural” markalı avtomobil qəzaya düşüb.

Hadisə yanvarın 4-də səhər saat 09:30 radələrində baş verib.

Qəza nəticəsində 2 hərbçinin öldüyü, 9 nəfərin isə yaralandığı bildirilir.

Yaralılar Bərdədəki xəstəxanaya aparılıblar.