“Real Madrid” İspaniya çempionatının 29-cu turunda “Atletico Madrid”i 3:2 hesabı ilə məğlub edib. Oyun “Santyaqo Bernabeu” stadionunda keçirilib.
Qalib komandanın heyətində Vinisius (52, 72-ci dəqiqələr) və Federiko Valverde (55) fərqlənib. Məğlub tərəfdə isə Ademola Lukman (33) və Nauel Molina (66) qollar vurub.
Oyunun 77-ci dəqiqəsində Valverde birbaşa qırmızı vərəqə alaraq meydandan qovulub.
Bu qələbə ilə “Real Madrid” 69 xala yüksələrək turnir cədvəlində 2-ci yerdə qərarlaşıb və lider “Barselona”dan 4 xal geri qalır.
“Atletico” isə 57 xalla 4-cü pillədədir və çempionatda 4 oyunluq qələbə seriyası başa çatıb.
Növbəti turda “Real” səfərdə “Malyorka” ilə, “Atletico” isə evdə “Barselona” ilə qarşılaşacaq. Oyunlar 4 aprel tarixində keçiriləcək.
