36 ildən sonra – bu ilin aprelində Xankəndidə dünyaya gələn azərbaycanlı körpənin atası Prezident İlham Əliyevə məktub yazıb.
Den.az-ın məlumatına görə, məktubda deyilir:
“Möhtərəm cənab Prezident, rəşadətli Azərbaycan Ordusunun Ali Baş Komandanı!
Sizi təkrarolunmaz gözəlliyə sahib, azad Qarabağ torpaqlarından salamlayıram. Allah Sizin diqqət və qayğınızı Azərbaycan xalqının üzərindən əskik etməsin. Allah Sizin uzaqgörən siyasətiniz və hamıya bərabər bölünmüş ədalətinizlə, müdrik rəhbərliyinizlə Xalq, Ordu, Dövlət birliyimizi qorusun!
Mən 36 ildən sonra Xankəndi şəhərində dünyaya göz açmış körpə İlhamın atasıyam. Oğlum anadan olan gündən ailəmiz xüsusi diqqət və qayğı ilə əhatə olunub.
Mən çox qürurluyam ki, mənim ailəmdə də bütöv Azərbaycanın sərhədlərini qoruyan əsgər böyüyəcək və oğlum Xankəndi şəhərində boya başa çatacaq. Mən fəxr edirəm ki, oğlum Azərbaycanın adını zirvələrə daşıyan Prezidentin, Ordumuzu Qələbəyə aparan Ali Baş Komandanın adını daşıyır!
Sizin əzminiz sayəsində işğaldan azad olunan torpaqlarımıza qayıdış prosesi davam edir. Bizim kimi gənc ailələr Sizin sayənizdə Vətən, torpaq, xalq sevgisini böyük coşqu ilə yaşayırlar. Övladımın Xankəndi şəhərində dünyaya gəlməsi üçün göstərdiyiniz köməyə, hazırda Xankəndi şəhərində xidmət dövründə yaşamaq üçün mənə və Azərbaycan Dövlət Su Ehtiyatları Agentliyinin əməkdaşlarına yaradılmış mənzil şəraitinə görə təşəkkürümü bildirirəm.
Hörmətli cənab Prezident, Sizin diqqət və qayğınızla hər nəfəsində, hər kəlməsində Vətən olan bir nəsil yetişir. Azərbaycan üçün etdiyiniz hər şey üçün ailəmiz adından Sizə dərin minnətdarlığımı bildirirəm.
Xankəndidə doğulan ilk azərbaycanlı körpənin ailəsi Prezidentə məktub YAZDI
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
