Hazırda davam edən qeyri-sabit hava şəraiti gəmilərin limanlara giriş-çıxışında çətinliklər yaradır və bu, yükdaşımalarda gecikmələrə səbəb olur.
Den.az xəbər verir ki, bu barədə “Report”a Azərbaycan Xəzər Dəniz Gəmiçiliyi” QSC-nin (ASCO) mətbuat katibi Mehman Mehdiyev məlumat verib. O, Kurık limanında Azərbaycana göndərilməsini gözləyən avtomobillərlə bağlı vəziyyəti şərh edərkən bildirib ki, ASCO donanmasında mövcud tələbatı qarşılamaq üçün kifayət qədər bərə gəmisi mövcuddur.
“Əsas çətinlik mövsümi hava şəraitindən qaynaqlanır. Hazırkı qeyri-sabit hava şəraiti gəmilərin limanlara giriş-çıxışında problemlər yaradır və nəticədə gecikmələrə səbəb olur. Vəziyyət diqqətlə izlənilir və hava şəraiti imkan verdikcə operativ şəkildə yükləmə-boşaltma əməliyyatları həyata keçiriləcək”, – deyə M.Mehdiyev əlavə edib.
Xatırladaq ki, Qazaxıstanın Manqistau vilayətindəki Kurık limanında Azərbaycana göndərilməsini gözləyən təxminən 1 000 avtomobil yığılıb. Qazaxıstan KİV-lərinin məlumatına görə, noyabr-dekabr aylarında limanın təxminən 50 %-i hava şəraiti səbəbindən bağlı olur. Digər amil isə maşınların sayının artmasıdır. Qazaxıstanın Nəqliyyat Nazirliyinin dəstəyi ilə bütün Azərbaycan bərələrinin Manqistau istiqamətinə yönləndirilməsi barədə razılıq əldə edilib.
ASCO: Qeyri-sabit hava şəraiti səbəbindən gəmilərin limanlara giriş-çıxışında çətinliklər mövcuddur
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
