"Rusiya Şimali Koreya ilə hərbi əməkdaşlıq müstəvisində bu ölkənin 10 mindən artıq hərbçilərini Ukrayna ilə müharibəyə cəlb edib. Bununla da Şimali Koreya Ukrayna savaşına cəlb olunub. Artıq Ukrayna prezidenti Volodimir Zelenski də Ukraynada xarici vətəndaşların orduda hərbi xidmət keçməsi barədə sərəncam imzaladı. Bununla da Ukraynada əcnəbi döyüşçülərdən ibarət briqadalar yaradılacaq".
Bu fikirləri "Den.az"a açıqlamasında politoloq Məhəmməd Əsədullazadə səsləndirib.
"ABŞ-da Şimali Koreya hərbçiləri rəsmən Ukrayna da döyüşə qatılacaqsa, Rusiya ərazisini atəşə tutmaq üçün silahlarından məhdudiyyəti aradan qaldıracağını elan etdi. Göründüyü kimi, Rusiya-Şimalı Koreya və İran Qərb blokuna qarşı Ukrayna da birgə hərəkət edir. Hazırda hərbi əməliyyatlar Rusiyanın və onun müttəfiqlərinin lehinə işləyir. Bir neçə günə Kursk uğrunda həlledici döyüş başlayacaq. Kursk döyüşü Rusiya -Ukrayna müharibəsində yeni bir mərhələnin başlanğıcı olacaq. Qərb Rusiyanın Ukraynada qələbəsinə şərait yaradarsa, V. Putin NATO-nu böləcək. Həmçinin Avropa İttifaqını özündən asılı vəziyyətə salacaq. V. Putinin də strateji planı NATO parçalamaq və Şərqi Avropanı nəzarətə götürməkdən ibarətdir. Bundan sonra Çin Tayvanı nəzarətinə aia bilər. Dünyanın bir qütblü yaxud, bir neçə qütbə bölünməsi uğurunda müharibənin episentri məhz Ukraynadır. Demək olar ki, Qərb dilemma qarşısındadır. Rusiya prezidenti Vladimir Putin ABŞ başda olmaqla, Qərb blokunun təhlükəsizlik arxitekturasına ciddi zərbə vurub. Ukrayna prezidenti Volodimir Zelenski ABŞ əməli hərbi yardımlar göstərməməsindən narahatdır. ABŞ-da seçkilər müharibənin gedişatına mənfi təsir etməkdədir. Avropa ölkələri də Rusiya qarşısında zəiflik nümayiş etdirir. Böyük Britaniya ilə ABŞ arasında fikir ayrılıqları hökm sürdüyünə görə rəsmi London ciddi şəkildə hərbi əməliyyatlarin gedişatına təsir etmir".
Günəş Fərəh
Den.az
