Tanınmış aparıcıya vəzifə verildi-FOTO

Tanınmış jurnalist, "Xəzər TV"nin aparıcısı Azər Teymurlu dövlət qurumlarından birində yüksək vəzifəyə təyin edilib.

Bu barədə "Den.az"a jurnalist özü məlumat verib.

Belə ki, Azər Teymurlu Məktəbəqədər və Ümumitəhsil üzrə Dövlət Agentliyinin ictimaiyyətlə əlaqələr sektorunun məsləhətçisi vəzifəsinə təyinat alıb.

Qeyd edək ki, tanınmış aparıcı Bakı Dövlət Universitetinin jurnalistika ixtisası üzrə bakalavr və magistr təhsili alıb.

Əmək fəaliyyətinə 2012-ci ildə Xəzər TV-də başlayan Azər Teymurlu müxbirlikdən şef redaktor vəzifəsinə qədər uzun bir yol keçib.

Müxtəlif dövrlərdə "Aktual qonaq",  "Yaşıl ekran" kimi verilişlərin, həmçinin  xəbərlər buraxılışının aparıcısı olub.