İranda polis məntəqələrinə hücum edən 15 terrorçu zərərsizləşdirildi

İranın Rask və Çabahar şəhərlərində polis məntəqələrinə hücum edən 15 terrorçu zərərsizləşdirilib.

“Den.az” xəbər verir ki, bu barədə məlumatı İran İslam İnqilabı Keçikçiləri Korpusu (SEPAH) yayıb. 

Daha əvvəl yayılan məlumatda 8 terrorçunun öldürüldüyü bildirilirdi.

Qeyd edək ki, hücum gecə saatlarında “Ceyş əl-Ədl” qruplaşmasının üzvləri tərəfindən həyata keçirilib. Hadisə nəticəsində hüquq-mühafizə orqanlarının 5 əməkdaşı həlak olub.