Zelenski deyib ki, ABŞ prezidenti Donald Trampla aralarındakı gərginliyi Britaniya kralı III Karl aradan qaldırıb — bu barədə o, The Guardian qəzetinə müsahibəsində danışıb.
Ukrayna liderinin sözlərinə görə, Vaşinqtondakı insidentdən sonra Kral “həlledici rol” oynayıb və Tramp Kiyevə daha böyük dəstək göstərməyə başlayıb.
“Bütün detalları bilmirəm, amma başa düşürəm ki, Zati-aliləri prezident Trampa bir neçə mühüm siqnal göndərib,” — deyə Zelenski bildirib.
O əlavə edib ki, Tramp kralı çox hörmət etdiyi və “çox vacib şəxs” hesab etdiyi insanlardan biridir, halbuki bu münasibət “çoxlarına şamil edilmir.” Zelenskinin sözlərinə görə, III Karl sentyabrda Tramp ilə şəxsi görüş də keçirib.
Xatırladaq ki, Tramp və Zelenskinin 28 fevralda Vaşinqtonda baş tutan danışıqları mübahisə ilə nəticələnmişdi. Tramp ukraynalı həmkarını hörmətsizlik və minnətdarlıq göstərməməkdə günahlandırmış, həmçinin atəşkəsdən imtina etdiyinə görə tənqid etmişdi. ABŞ prezidenti demişdi ki, “Vaşinqtonun dəstəyi olmadan Kiyevin əlində güclü kart yoxdur.” Söhbətdən sonra Zelenskiyə Ağ evi tərk etmək göstərişi verilmiş, planlaşdırılan mətbuat konfransı və nadir metallar üzrə sazişin imzalanması ləğv edilmişdi.
