ABŞ Prezidenti Donald Tramp bu gün Milli Təhlükəsizlik üzrə komandası ilə görüş keçirəcək.
“Den.az” xəbər verir ki, bu barədə məlumatı amerikalı məmura istinadən “The New York Times” qəzeti yayıb.
Bildirilib ki, görüşün keçirilməsində məqsəd Ukraynanı müzakirə etmək və hətta ola bilsin ki, ölkə ilə bağlı müəyyən tədbirlər görməkdir.
Mənbənin sözlərinə görə, həmin tədbirlərə Ukraynaya daha əvvəlki ABŞ administrasiya tərəfindən razılaşdırılmış hərbi yardımın dayandırılması da daxil ola bilər.
İclasda ABŞ Dövlət katibi Marko Rubio və müdafiə naziri Pit Hegset də iştirak edəcək.
Xatırladaq ki, fevralın 28-də Vaşinqtonda Ukrayna və ABŞ prezidentləri Volodimir Zelenski ilə Donald Tramp arasında görüş keçirilib. Görüş çərçivəsində tərəflər mətbuata açıqlamalar verərkən Zelenski, Tramp və ABŞ-nin vitse-prezidenti Ceyms Devid Vens arasında mübahisə yaranıb. Bu zaman Tramp Zelenskini ABŞ-yə qarşı hörmətsiz davranışda, Vens isə Kiyevə göstərilən dəstəyə görə Vaşinqtona təşəkkür etməməkdə ittiham edib.
Nəticədə mətbuat konfransı ləğv edilib.
Tramp bu gün Ukraynaya yardımın dayandırılmasını müzakirə edəcək
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
