ABŞ-ın vitse-prezidenti Cey Di Vens çərşənbə axşamı Vaşinqton ilə Tehran arasında qarşıdakı danışıqlar nəticəsində razılaşma əldə olunacağına ümid etdiyini bildirib.
Prezident son müddət təyin edib (...). Qalan vaxtda çoxlu danışıqlar olacaq və ümid edirəm ki, biz həllə nail ola biləcəyik
Vens bu fikirləri Macarıstana səfəri çərçivəsində keçirilən mətbuat konfransında səsləndirib.
Çərşənbə gecəsi Donald Trampın İranla münaqişənin tənzimlənməsi üzrə razılaşma üçün müəyyən etdiyi son müddət başa çatır. ABŞ prezidenti xəbərdarlıq edib ki, razılaşma əldə olunmasa, Vaşinqton İranın elektrik stansiyalarına və körpülərinə zərbələr endirməyə hazır olacaq.
