Mahir Emreli məhsuldar ötürmə verib, "Dinamo" qələbə qazanıb

Azərbaycan millisinin futbolçusu Mahir Emrelinin çıxış etdiyi "Dinamo" (Zaqreb) komandası Xorvatiya çempionatında növbəti oyununu keçirib.
"Den.az"ın məlumatına görə, paytaxt təmsilçisi XI turda "İstra"nı qəbul edib.
Qarşılaşma meydan sahiblərinin 3:0 hesablı qələbəsi ilə bitib. Matça start heyətdə başlayan Mahir Emreli ikinci qolda məhsuldar ötürmə ilə yadda qalıb.
Bu nəticədən sonra xallarının sayını 19-a çatdıran "Dinamo" üçüncü pillədə qərarlaşıb.