Xaçmaz rayonunda polis əməkdaşları narkotik vasitələrin qanunsuz dövriyyəsinə qarşı əməliyyat-profilaktik tədbirlər keçiriblər.
Rayon Polis Şöbəsindən verilən məlumata görə, tədbirlər zamanı narkotik tərkibli bitkilərin becərilməsində şübhəli bilinən 55 yaşlı Ənvər Əsgərov saxlanılıb.
Onun yaşadığı evin həyətində 50 ədəd çətənə kolu aşkarlanıb. Bildirilib ki, Əsgərov həmin bitkilərə xüsusi qulluq edib. Bundan başqa, onun üzərindən və ya ərazidən marixuana da aşkar edilib.
Digər əməliyyat zamanı əvvəllər məhkum olunmuş 33 yaşlı Elman Abdulov saxlanılıb. Ondan heroin və psixotrop maddə olan metamfetamin götürülüb.
Faktlarla bağlı cinayət işləri başlanılıb.
Məhkəmənin qərarı ilə hər iki şəxs barəsində həbs qətimkan tədbiri seçilib.
Araşdırma davam etdirilir.
