Ulu Öndəri Heydər Əliyevin Anım günü Abşeron rayonunda dərin ehtiramla qeyd edilib-VİDEO

Müstəqil və qalib Azərbaycanın memarı və qurucusu, dahi şəxsiyyət, xalqımızın Ulu Öndəri Heydər Əliyevin Anım günü Abşeron rayonunda dərin ehtiramla qeyd edilib. Tədbirdə Abşeron Rayon İcra Hakimiyyətinin başçısı Abdin Fərzəliyev, rayonun hüquq-mühafizə orqanlarının, YAP Abşeron Rayon Təşkilatının, Abşeron RİH yanında İctimai Şuranın və Abşeron rayon Ağsaqqallar Şurasının sədrləri, şəhid ailələri, müharibə iştirakçıları və rayon ictimaiyyəti iştirak edib.

İştirakçılar və rayon ictimaiyyəti Xırdalan şəhərində Ulu Öndərin adını daşıyan Parkda ucaldılmış abidəsini ziyarət edib, Ulu Öndərin abidəsi önünə gül dəstələri düzərək xatirəsini ehtiramla yad ediblər.

Qeyd edək ki, Ümummilli Lider Heydər Əliyev siyasi fəaliyyəti boyu inkişaf edən, milli dəyərləri ilə tanınan, xarici dövlətlər arasında özünə layiqli yer tutan güclü Azərbaycan naminə böyük əzmlə çalışıb və dönməz prinsipləri, misilsiz tarixi xidmətləri ilə adını dünyada ən nüfuzlu liderlər cərgəsinə daxil edib. Azərbaycan gəncinin keçmiş SSRİ-nin adlı-sanlı ali məktəblərinə təhsil almağa göndərilməsini, milli kadrların hazırlanmasını, ana dilin inkişaf etdirilməsini və dövlət strukturlarında azərbaycanlı məmurların irəli çəkilməsi kimi xidmətlərini Ulu Öndərin gələcəyin müstəqil Azərbaycanı üçün atdığı olduqca mühüm addımlar kimi səciyyələndirib.

Bugünkü güclü, inkişaf etmiş, qalib Azərbaycan Heydər Əliyevin şah əsəridir. Görkəmli dövlət xadiminin əsasını qoyduğu mükəmməl idarəçilik konsepsiyası ilə ölkəmiz iqtisadi, hərbi uğurlar qazanıb. Qarabağın azadlığı, işğaldan azad olunan torpaqlarda aparılan quruculuq işləri məhz Heydər Əliyevin müdrik siyasətinin, bu siyasətin Prezident, Ali Baş Komandan İlham Əliyev tərəfindən layiqli şəkildə davam etdirilməsinin nəticəsidir.  Odur ki, öz xalqı üçün misilsiz işlər görən Ulu Öndər xatirəsi hər zaman hörmətlə yad olunacaq. 

Qeyd edək ki, Ulu Öndər Heydər Əliyev Azərbaycanı güclü təməllər üzərində inkişaf etdirib, dövlət maraqlarını daim qoruyub, milli həmrəyliyə nail olub. Heydər Əliyev unikal şəxsiyyət, güclü iradə sahibi və siyasət ustası kimi böyük heyranlıq yaradıb, onun mükəmməl xarici, həmçinin daxili siyasəti Azərbaycana böyük uğurlar qazandırıb. Bir sözlə, Azərbaycanı qüdrətli dövlətə, beynəlxalq auditoriyalarda söz sahibinə çevirən Heydər Əliyevin həyatı çağdaş gəncliyə və bütün gələcək nəsillərə bir örnəkdir.