Əmək pensiyalarının orta aylıq məbləğinin 2024-cü ildə 483 manat olacağı proqnozlaşdırılır.
Bunu Milli Məclisin plenar iclasında Əmək və sosial siyasət komitəsinin sədri Musa Quliyev "Dövlət sosial müdafiə fondunun 2024-cü il büdcəsi haqqında" qanun layihəsinin müzakirəsi zamanı deyib. O, digər növ pensiyaların da artımına diqqət çəkib.
İclasda "2024-cü il üçün yaşayış minimumu haqqında" qanun layihəsi I oxunuşda müzakirəyə çıxarılaraq qəbul edilib. Layihədə gələn il üçün yaşayış minimumu ölkə üzrə 270 manat, əmək qabiliyyətli əhali üçün 287 manat, pensiyaçılar üçün 222 manat, uşaqlar üçün 235 manat məbləğində müəyyən olunub.
Növbəti ilin büdcə müzakirəsi zamanı isə millət vəkili Vüqar İskəndərov istismar müddəti 10 ildən artıq olan avtomobillərin utilzasiya məsələsindən danışıb. Millət vəkili deyib ki, növbəti ildən utilzasiya proqramına start veriləcəyi gözlənilir.
Millət vəkili Əziz Ələkbərov alimlərin maaşlarının az olmasına diqqət çəkib. O, bildirib ki, bu gün Bakıda yaşayan alim orta aylıq əməkhaqqının 1/3-i qədər maaş alır.
Deputat Zahid Oruc isə ana bətnində məhv edilən uşaqların sayının çox olmasından narahatlığını ifadə edib. Bildirib ki, ''3-cü uşaq'' siyasəti stimullaşdırılmalıdır.
İclasda qeyd edilib ki, növbəti ildə də özünüməşğulluq layihəsi davam edəcək. Bununla da bu proqram çərçivəsində məşğulluğu təmin olunanların sayı 80 min nəfərə çatacaq.
Pensiya alanların nəzərinə! - 516 AZN , 410 AZN və 454 AZN...

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.