"Ermənistanda davam edən etiraz aksiyaları Nikol Paşinyana və sülh prosesinə qarşı yönəlib. Hazırkı mərhələdə bu etiraz aksiyalarının ciddi nəticəsinin olacağını düşünmürəm. Çünki bu etiraz aksiyalarının başında duran keşiş real hakimiyyətə gələcək şəxs deyil".
Bu fikirləri "Den.az"a açıqlamasında Siyasi və Hüquqi Araşdırmalar Mərkəzinin (SHAM) sədri Xəyal Bəşirov səsləndirib. O bildirib ki, "Qarabağ klanı" və revanşistlərin bütün resursları tükəndiyi üçün səhnəyə başqa bir lider çıxara bilmirlər:
"Buna görə də, arxiyepiskopu meydana göndəriblər. Nəzərə almaq lazımdır ki, erməni keşiş də Qərbdə yetişib. O, əvvəl kanadada dini fəaliyyətlə məşğul olub, orada erməni diasporunun təsiri altında fəaliyyət göstərib. İndi də Tavuşda fəaliyyətini davam etdirir. Ermənistanda baş verən bu hadisələrdən bütün cəbhələr öz xeyirlərinə istifadə etməyə çalışırlar. Bu, Rusiyanın da marağındadır. Amma etiraz aksiyaları gücünü və mənbəyini Rusiyadan almır. Digər tərəfdən, revanşistlər də etirazların onların istədiyi səviyyədə getmədiyini görürlər və bu səbəbdən də gizləndikləri yerdən çıxmaq istəmirlər. Paşinyan üçün də bu aksiyaların müsbət tərəfi var. Belə ki, Paşinyan Azərbaycanla münasibətləri ən qısa zamanda nizamlamalı olduğunu bilir. Bunu uzatmağın mənfi nəticəsi ilk öncə Paşinyan hakimiyyətinə, daha sonra isə Ermənistan dövlətinə yansıya bilər".
Politoloqun sözlərinə görə, gələcəkdə delimitasiya prosesi davam etdikcə ermənilər daha çox etiraz aksiyaları keçirə bilərlər:
"Paşinyan bunu nəzərə alaraq Paşinyan beynəlxalq ictimaiyyətə hansı çətin vəziyyətdə addım atdığını göstərməyə çalışır. Erməni cəmiyyətinin beyni o qədər zəhərlənib ki, bunu qısa zamanda təmizləmək mümkün deyil. Hesab edirəm ki, bu proses Paşinyanın hakimiyyətini devirmək gücündə deyil. Çünki kollektiv Qərbdən bu aksiyaya heç bir dəstək yoxdur. Çünki Qərb qorxur ki, paşinyan hakimiyyətdən getsə, dərhal Rusiya öz adamını prosesə qoşacaq və hakimiyyətə gətirəcək. Ona görə də, müəyyən mənada Qərbyönümlü siyasət yürüdən Paşinyandan üz döndərmirlər. Rusiya tərəfi də bu məsələdə maraqlı görünmür. Çünki Putin və Paşinyanın son görüşündə müəyyən razılıqlar əldə olunub. Azərbaycan və Türkiyənin də mövqeyi bəllidir. Çünki Paşinyan öz üzərinə götürdüyü öhdəlikləri yerinə yetirməklə məşğuldur. Yəni hazırkı mərhələdə Ankara və Bakı da Paşinyanın devrilməsində maraqlı deyil. Bütün bu hesablamaları aparan Paşinyan bilir ki, etiraz aksiyaları onun hakimiyyətini devirə bilməyəcək".
Günəş Fərəh
Den.az
Etirazlar Paşinyanı devirəcəkmi? - ANALİZ
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
