"Rusiya qlobal iqtisadiyyatın bir hissəsidir və zəifləmək fikrində deyil" - Siluanov

"Rusiya qlobal iqtisadiyyatın bir hissəsidir və zəifləmək fikrində deyil".

Den.az xarici mediaya istinadən xəbər verir ki, bu barədə Rusiyanın maliyyə naziri Anton Siluanov deyib: “Biz özümüzü təcrid etməyəcəyik. İqtisadiyyatımızın dünya iqtisadiyyatına inteqrasiyasını mümkün qədər davam etdirəcəyik”.

O qeyd edib ki, Rusiya hazırda Qərb ölkələrinin qərar verdiyi qapalı logistik mövqelərə alternativlər axtarır. Onun sözlərinə görə, Rusiya tərəfi ticarəti və maliyyə axınlarını inkişaf etdirmək yollarını arayır.

Qeyd edək ki, daha öncə xarici işlər naziri Sergey Lavrov bildirib ki, Rusiyanın təcrid olunmasından yalnız Qərb danışır, inkişaf etməkdə olan ölkələr isə Moskva ilə dialoqu davam etdirir. The New York Times qeyd edib ki, ABŞ-ın Rusiyanı təcrid etmək cəhdləri uğursuzluqla nəticələnib.

Den.az