“Ukrayna şərtlər qoyur və vəziyyəti dalana dirəyir” - Sergey Verşinin

“Ukrayna taxıl sövdələşməsinə şərtlər qoyur və vəziyyəti dalana dirəyir”.

Den.az xarici mediaya istinadən xəbər verir ki, bu barədə Rusiya Xarici İşlər Nazirliyi məlumat yayıb.

Rusiya xarici işlər nazirinin müavini Sergey Verşinin sözlərinə görə, Ukrayna taxıl müqaviləsinin həyata keçirilməsi üçün müxtəlif tələblər irəli sürür və bununla da vəziyyəti gərginləşdirir. Təəssüf ki, şərtləri Kiyev qoyur. Verşinin qeyd edib ki, Rusiya ammonyak ixracını ehtiva edən müqavilələrə əməl etməkdə israrlıdır.

Qeyd edək ki, daha öncə Rusiyanın xarici işlər naziri Sergey Lavrov bildirib ki, Rusiyanın kənd təsərrüfatı məhsullarının ixracı ilə bağlı vəziyyət indiki kimi qalsa, o zaman Qara Dəniz Təşəbbüsünün fəaliyyət göstərmədiyini hesab etmək mümkün olacaq. Bununla yanaşı, anti-Rusiya sanksiyalarının tətbiqi ilə bağlı bank ödənişləri, nəqliyyat logistikası və sığorta ilə bağlı problemlər qalmaqdadır və kəskinləşir.

Den.az