“DenMedia.az” xəbər verir ki, ABŞ prezidenti Donald Trampın müşavirləri Cared Kuşner və Stiv Uitkoff İsrail və HƏMAS arasında keçirilən danışıqlarda iştirak etmək üçün Misirin Şarm əl-Şeyx şəhərinə gəliblər.
Bu gün görüşə həmçinin İsrail nümayəndə heyətinin rəhbəri Ron Dermer, Qətərin Baş naziri Məhəmməd əl-Tani və Türkiyə Milli Kəşfiyyat Təşkilatının rəhbəri İbrahim Kalın da qoşulacaq.
HƏMAS danışıqlarda İsrail qoşunlarının Qəzza zolağından çıxarılma cədvəlini və girovların, habelə həlak olmuşların cəsədlərinin geri alınması üçün sərbəst keçid məsələsini gündəmə gətirəcək.
Tərəflər artıq girovların və fələstinli məhbusların siyahılarını mübadilə ediblər. Siyahıya İsraildə beş ömürlük həbs cəzası alan Mərvan Barquti də daxildir.
HƏMAS əlavə olaraq həlak olmuş liderlər Yahya və Məhəmməd Sinvarın cəsədlərinin təhvil verilməsini tələb edir.
