ABŞ prezidenti Donald Tramp ölkəsində ərzaq qiymətlərinin artması fonunda Braziliyadan gələn bəzi məhsullara tətbiq olunan gömrük rüsumlarını azaldıb. Səlahiyyətli qərar Ağ Evin rəsmi saytında dərc edilib.
Prezidentin əmri ilə bir sıra kənd təsərrüfatı malları artıq əlavə rüsuma cəlb olunmayacaq.
“Mən müəyyən etmişəm ki, bəzi kənd təsərrüfatı məhsulları əlavə advalor rüsumuna tabe olmayacaq,” — deyə sənəddə bildirilir.
Advalor rüsumu — malın dəyərinin müəyyən faizi kimi hesablanan vergi növüdür.
Dəyişikliklər 13 noyabr 2025-ci il gecə yarısından sonra ABŞ-a gətirilən və ya anbarlardan satış üçün çıxarılan məhsullara şamil ediləcək.
