ABŞ-ın Respublikaçılar Partiyasından olan Nümayəndələr Palatasının üzvü Marjori Teylor Qrin ABŞ prezidenti Donald Tramp ilə yaşanan gərginlik fonunda Konqresi tərk etdiyini açıqlayıb. DenMedia.az xəbər verir ki, konqresmen bu barədə sosial şəbəkə X-də bəyanat yayıb.
Qrin bildirib:
“Mən ofisdən ayrılıram, son iş günüm 5 yanvar 2026-cı il olacaq.”
17 noyabrda Donald Tramp konqresmeni “ABŞ-ın xaini” adlandırıb. Onun sözlərinə görə, Qrin özünü guya zərərçəkmiş kimi göstərmək üçün “çox çalışır”, halbuki bütün problemlərin səbəbi elə özüdür. Tramp əlavə edib:
“Hamıya bu qadının ölkəmizə xəyanəti vecinə deyil!”
Qrinlə Tramp arasında münaqişə 15 noyabr tarixində güclənib. Tramp açıqlayıb ki, o, Qrinə sorğu nəticələrini göndərdikdən sonra aralarında gərginlik yaranıb. Sorğuya əsasən, Marjori Qrin Gürcüstan ştatının qubernatorluğu və ya Senatı üçün keçirilən seçkilərdə cəmi 12% səs toplaya bilərdi. Bu nəticədən sonra Tramp onun namizədliyini dəstəkləməkdən imtina edib.
