ABŞ Respublikaçılar Partiyasının konqresmeni Marjori Teylor Qrin bəyan edib ki, keçmiş prezident Co Baydenin administrasiyasının əməkdaşları amerikalılara xəyanət edib və hökuməti kölgədən idarə ediblər.
DenMedia.az xəbər verir ki, bu barədə siyasətçinin X sosial şəbəkəsindəki səhifəsində məlumat verilib.
Qrin vurğulayıb ki, Baydenin sağlamlıq vəziyyətinin pisləşməsinə görə onu günahlandırmır, lakin onu idarə edənləri xalqı satmaqda ittiham edir.
Onun sözlərinə görə, Baydenin yaxın çevrəsi yalan danışıb, səlahiyyətlərindən sui-istifadə edib və dövlət idarəçiliyini pərdəarxasından həyata keçirib.
Siyasətçi Konqresin Nəzarət Komitəsinin Baydenin köməkçilərinin fəaliyyətini araşdırmaq təşəbbüsünü tam dəstəklədiyini qeyd edib.
