ABŞ-ın keçmiş prezidenti Bill Klinton məhkum edilmiş maliyyəçi Cefri Epsteynın şəxsi təyyarəsi ilə 26 uçuş həyata keçirib. Bu barədə Daily Mail ABŞ Ədliyyə Nazirliyinin qərarı ilə dərc olunacaq sənədlərə istinadən xəbər verib.
Jurnalistlərin yazdığına görə, Epsteynın Boeing 727 təyyarəsinin uçuş jurnallarında ABŞ prezidenti Donald Tramp, aktyor Kevin Speysi və Britaniya şahzadəsi Endrü kimi adlar da var. Tramp 1994-cü ildə həyat yoldaşı və qızı ilə birlikdə həmin təyyarədə uçub.
“Mən Cefri Epsteynın illər əvvəl Floridada törətdiyi dəhşətli cinayətlər və ya Nyu-Yorkda ittiham olunduğu əməllər barədə heç nə bilmirəm”, — Klinton 2019-cu ildə belə deyirdi.
Pilot qeydlərinə görə, şahzadə Endrü həmin təyyarə ilə bir neçə dəfə Virciniya Cuffrenin müşayiəti ilə uçub. Cuffre sonradan həm onu, həm də Epstaynı seksual zorakılıqda ittiham etmişdi.
20 noyabrda Donald Tramp Epsteyn işi üzrə federal istintaq materiallarının, 30 gün ərzində tam şəkildə açıqlanmasını tələb edən qanunu imzalayıb. Sənədlərin tam dərcinin 19 dekabradək gözlənildiyi bildirilir.
