ABŞ prezidenti Donald Tramp, şahzadə Endrünün titullarından məhrum edilməsindən sonra Böyük Britaniya kral ailəsindəki vəziyyəti “dəhşətli” adlandırıb.
DenMedia.az xəbər verir ki, bu barədə RIA Novosti məlumat yayıb.
“Bu, kral ailəsində baş vermiş dəhşətli bir hadisədir,” — deyə Tramp jurnalistlərə bildirib.
Oktyabrın 30-da şahzadə Endrü titullarından və şərəf nişanlarından məhrum edilib, həmçinin kral iqamətgahından çıxarılıb.
Bundan əlavə, Kral III Karl qardaşına “Royal Lodge” sarayındakı icarədən imtina etməsi və başqa şəxsi mənzilə köçməsi barədə rəsmi bildiriş göndərib.
Şahzadə Endrüyə qarşı təzyiq, onun ABŞ-lı maliyyəçi və pedofil Ceffri Epşteynlə əlaqələri barədə iddialarla bağlıdır.
The Sun qəzetinin 27 oktyabr tarixli məlumatına görə, şahzadə Endrü “Royal Lodge”dan çıxmağa yalnız bir şərtlə razılaşıb.
Jurnalistlərin məlumatına əsasən, o və keçmiş həyat yoldaşı, həmçinin iqamətgahda yaşayan Saranın oradan köçməsi üçün onlara “Frogmor” və “Adelaida” kotteclərinin verilməsini tələb ediblər.
Kraliça II Yelizavetanın oğlu Endrü, keçmiş həyat yoldaşının hazırda şahzadə Uilyam və Keyt Middltonun yaşadığı evə köçməsini istəyib.
